Útflutningsráð Íslands annast rekstur NAS verkefnisins (North Atlantic Solutions) fyrir eiganda þess Samstarfsvettvang sjávarútvegs og iðnaðar. Tilgangur og markmið NAS verkefnisins er MARKAÐSSETNING íslenskra sjávarútvegsfyrirtækja erlendis. Megináhersla er lögð á MARKAÐSSETNINGU gegnum Internetið með öflugri skáningu á leitarvélar og viðkomandi vefi auk reglulegra tölvupóstsendinga á erlenda og innlenda markhópa verkefnisins. MARKAÐSSETNING verkefnisins fer einnig fram með þátttöku í erlendum og innlendum sjávarútvegssýningum, dreifingu kynningarefnis, þátttöku í viðskiptasendinefndum og aðstoð við erlenda viðskiptaðila sem vilja eiga viðskipti við fyrirtæki sem taka þátt í NAS verkefninu.

Árangur af starfi NAS verkefnisins er ótvíræður sem má merkja bæði á miklum fjölda erlendra fyrirspurna og stöðugt aukinni umferð um vef verkefnisins http://www.nas.is/ Á hverjum degi aflar fjöldi fulltrúa erlendra fyrirtækja sér upplýsinga um íslensk sjávarútvegsfyrirtæki, vörur þeirra og þjónustu í gegnum NAS verkefnið.

Einu skilyrðin fyrir þátttöku í NAS verkefninu eru að viðkomandi fyrirtæki tengist sjávarútvegi og stundi eða ætli að hefja útflutning. Þeir sem vilja fá frekari upplýsingar er velkomið að hafa samband við undirritaðan.